.jpeg)
जिल्हाधिकाऱ्यांनी सप्टेंबर महिन्यात झालेल्या एका बैठकीत याबाबत माहिती दिली. या बैठकीत त्यांनी जाहीर केले की, मुख्यमंत्री माझी लाडकी बहीण योजना अंतर्गत लाभार्थ्यांच्या खात्यात जुलै आणि ऑगस्ट 2024 या महिन्यांचे अनुदान आधीच जमा केले गेले आहे. आता सप्टेंबर महिन्याचे अनुदानही लवकरच जमा केले जाणार आहे. परंतु, जे लाभार्थी अद्याप आपले आधार कार्ड बँक खात्याशी लिंक करू शकलेले नाहीत, त्यांनी तातडीने ही प्रक्रिया पूर्ण करावी, अन्यथा त्यांना योजनेचा लाभ मिळण्यात अडचण येऊ शकते.
जिल्हाधिकाऱ्यांनी स्पष्टपणे सांगितले की, नवीन अर्जदार महिलांनी देखील आपले आधार कार्ड बँक खात्याशी लिंक आहे की नाही हे तपासून, अर्जामध्ये आवश्यक माहिती भरून अर्ज सबमिट करावा. महिलांनी माय आधार पोर्टल वर लॉगिन करून त्यांच्या आधार कार्ड आणि बँक खात्याच्या लिंकिंगची स्थिती तपासू शकतात. जर लिंकिंग नसेल, तर त्यांनी त्वरित बँकेत जाऊन आधार कार्ड बँक खात्याशी लिंक करून घ्यावे.
याशिवाय, अंगणवाडी सेविकांना देखील सूचना दिल्या आहेत की, त्या त्यांच्या क्षेत्रातील अशा महिलांची यादी तयार करतील ज्या महिलांचे आधार कार्ड बँक खात्याशी लिंक केलेले नाही. सेविकांना अशा महिलांना आधार लिंक करण्यासाठी मदत करण्याचे निर्देश देण्यात आले आहेत, ज्यामुळे त्या लाभार्थ्यांना योजनेचा लाभ मिळू शकेल.
जिल्हाधिकाऱ्यांनी म्हटले आहे की, महिलांनी आपले आधार कार्ड बँक खात्याशी लिंक न केल्यास अनुदान मिळण्यात समस्या निर्माण होऊ शकते, म्हणून त्यांनी ही प्रक्रिया लवकरात लवकर पूर्ण करावी. मुख्यमंत्री माझी लाडकी बहीण योजना ही महिलांच्या आर्थिक सक्षमीकरणासाठी एक महत्त्वपूर्ण पाऊल आहे, आणि त्याचा लाभ मिळविण्यासाठी आधार बँक खात्याची लिंक करणे अत्यंत आवश्यक आहे.
 |
| - Advertisement - |
योजनेच्या यशस्वी अंमलबजावणीसाठी जिल्हा प्रशासनाने विविध सूचना दिल्या आहेत आणि महिलांना आवश्यक ती सर्व मदत मिळेल याची खात्री दिली आहे.
.jpeg&description=मुख्यमंत्री माझी लाडकी बहीण योजनेचा लाभ घेण्यासाठी आधार-बँक खात्याची लिंक अनिवार्य - धुळे जिल्हाधिकारी पापडकर यांचे आवाहन){kind=link}