पोलिस निरीक्षक प्रवीण धनगर यांनी मिळालेल्या गुप्त माहितीच्या आधारे ही कारवाई केली. पोलिसांनी सामोडे गावाजवळ सापळा रचून संशयित वाहन क्रमांक MH04-DD-0448 अडवले. तपासणी करताच, वाहनात अत्यंत निर्दयपणे बांधलेल्या अवस्थेत आठ जर्सी गायी आढळून आल्या. प्राथमिक तपासानुसार, या गायी कत्तलीसाठी नेल्या जात होत्या.
"बातम्यासाठी या ग्रुपमध्ये जॉईन व्हा."
या प्रकरणात आमिर खान अन्वर खान पठाण (राहणार रम्यताबाद, 60 फूटी रोड, मालेगाव, जिल्हा नाशिक) याला अटक करण्यात आली आहे. गोवंशांची अवैध वाहतूक आणि त्यांच्या कत्तलीच्या उद्देशाने करण्यात आलेल्या या कृत्यामुळे प्राणी संरक्षण कायद्याचा भंग झाल्याने आरोपीविरुद्ध गुन्हा दाखल करण्यात आला आहे.
पोलिसांनी जप्त केलेल्या मुद्देमालामध्ये गायींची किंमत सुमारे तीन लाख रुपये आणि वाहनाची किंमत अंदाजे 70 हजार रुपये आहे. पुढील कार्यवाहीसाठी गायी आणि पिकअप वाहन साक्री न्यायालयात सादर करण्यात आले आहेत.
पोलिस निरीक्षक प्रवीण धनगर यांच्या नेतृत्वाखाली तपास सुरू असून, आरोपीविरुद्ध कठोर कारवाई करण्याचे निर्देश देण्यात आले आहेत. गावकऱ्यांमध्ये संताप व्यक्त करण्यात आला असून, पोलिसांच्या तात्काळ हस्तक्षेपामुळे गोवंशांची कत्तल थांबवण्यात यश आले आहे.
पोलिस विभागाने गावकऱ्यांना अशा घटनांची माहिती त्वरित देण्याचे आवाहन केले आहे, ज्यामुळे भविष्यात अशा अमानवीय कृत्यांना आळा घालता येईल.
