या बैठकीचा उद्देश महापालिका निवडणुकीसाठी कार्यकर्त्यांना सज्ज करणे आणि आघाडीचे एकत्रित बळ दाखवणे असा होता. विधानसभेत अपेक्षित यश न मिळाल्यानंतर खचून न जाता, नव्या जोमाने पुढील निवडणुकांसाठी तयारी करण्याचे आवाहन गोटे यांनी केले.
"बातम्यासाठी या ग्रुपमध्ये जॉईन व्हा."
महाविकास आघाडीची एकजूट आणि रणनीती
गोटे यांनी उपस्थितांना सत्ताधारी पक्षांविरोधात एकजुटीने उभे राहण्याचे आवाहन केले. त्यांनी सांगितले की, महाविकास आघाडीतील घटक पक्षांनी विधानसभेत तन, मन, धन अर्पण करून काम केले होते. आता महानगरपालिकेच्या निवडणुकीतही तसेच प्रयत्न आवश्यक आहेत. आगामी काळात सत्ताधाऱ्यांच्या विरोधात आंदोलन करण्यासाठी आणि जनतेच्या समस्या मांडण्यासाठी प्रत्येक कार्यकर्ता सतर्क राहावा, असे निर्देश त्यांनी दिले.
 |
| - Advertisement - |
प्रमुख उपस्थिती
या बैठकीत महाविकास आघाडीच्या काँग्रेस, राष्ट्रवादी काँग्रेस, आणि शिवसेना (उद्धव बाळासाहेब ठाकरे) पक्षाचे अनेक नेते आणि कार्यकर्ते उपस्थित होते. प्रमुख उपस्थितांमध्ये काँग्रेसचे युवराज करनकाळ, साबीर शेख, भा.ई. नगराळे, शिवसेना उबाठाचे जिल्हा प्रमुख अतुल सोनवणे, माजी महापौर भगवान करनकाळ, शुभांगी पाटील, धिरज पाटील, नरेंद्र परदेशी, एम.बी. हातेकर, कॉ.एल.आर. राव, कॉ. पोपटराव चौधरी, हरिश्चंद्र लोंढे, प्रशांत भदाणे, विजय वाघ, डॉ. अनिल पाटील, तेजस गोटे आदींचा समावेश होता.
Follow the धुळे दर्पण channel on WhatsApp:
शिवाय, स्थानिक स्तरावरील शेकडो कार्यकर्तेही मोठ्या उत्साहाने उपस्थित होते. बैठकीच्या शेवटी सर्वांनी एकमुखाने महापालिका निवडणुकीत विजय मिळवण्यासाठी जोरदार प्रयत्न करण्याचा निर्धार व्यक्त केला.
राजकीय चाचपणी आणि आगामी दिशा
धुळे महानगरपालिकेच्या निवडणुकीत महाविकास आघाडीची युती आणखी मजबूत करण्यासाठी प्रत्येक घटक पक्षाचे कार्यकर्ते मैदानात उतरणार आहेत. स्थानिक पातळीवर नागरिकांच्या अडचणी सोडवणे आणि सत्ताधाऱ्यांच्या अपयशांवर प्रखर टीका करणे, ही रणनीती ठरवण्यात आली आहे.
– धुळे दर्पण –
 |
| - Advertisement - |
