Follow the धुळे दर्पण channel on WhatsApp:
कारवाईचा तपशील
धुळे स्थानिक गुन्हे शाखेचे निरीक्षक श्रीराम पवार यांना २३ नोव्हेंबर रोजी रात्री माहिती मिळाली की, परभणी जिल्ह्यातील जिंतुर तालुक्यातील देवगाव येथील विनायक धोंडीराम ईप्पर (वय ३२) हा इसम ट्रॅव्हल्स पॉईंटजवळील सार्वजनिक स्वच्छता गृहाजवळ गावठी कट्टा बाळगून थांबला आहे. या माहितीच्या आधारे, निरीक्षक पवार यांच्या मार्गदर्शनाखाली पथक तयार करण्यात आले आणि संबंधित ठिकाणी सापळा रचण्यात आला.
अटक आणि मुद्देमाल जप्त
पथकाने रात्री १०.४५ च्या सुमारास विनायक ईप्पर याला स्वच्छता गृहाजवळ अटक केली. त्याच्या अंगझडतीत २५ हजार रुपये किमतीचा गावठी कट्टा आणि ३ हजार रुपये किमतीचे जिवंत काडतूस सापडले. एकूण २८ हजार रुपयांचा मुद्देमाल जप्त करण्यात आला आहे.
आर्म्स अॅक्टअंतर्गत गुन्हा नोंद
स्थानिक गुन्हे शाखेचे पोलीस हेडकॉन्स्टेबल आरिफखान रमजान खान पठाण यांच्या फिर्यादीवरून, विनायक ईप्पर याच्याविरुद्ध धुळे शहर पोलीस ठाण्यात आर्म्स अॅक्टच्या विविध कलमांन्वये गुन्हा दाखल करण्यात आला आहे.
धुळे जिल्ह्याच्या महत्वपूर्ण अपडेट्स जाणून घेण्यासाठी आत्ताच जॉईन करा Group 1
पुढील तपास सुरू
सदर प्रकरणाचा तपास परिविक्षाधीन पोलीस उपनिरीक्षक गणेश आघाव करीत आहेत. या कामगिरीसाठी पोलीस अधीक्षक श्रीकांत धिवरे, अपर पोलीस अधीक्षक किशोर काळे, आणि स्थानिक गुन्हे शाखेचे निरीक्षक श्रीराम पवार यांच्या मार्गदर्शनाखाली पथकातील पोलीस अधिकारी आणि कर्मचाऱ्यांनी विशेष परिश्रम घेतले.
पोलिसांचा इशारा
धुळे पोलिसांनी या कारवाईनंतर शहरात अवैध शस्त्रे बाळगणाऱ्या आणि त्यांचा गैरवापर करणाऱ्यांविरुद्ध कठोर कारवाई केली जाईल, असा इशारा दिला आहे. नागरिकांनी अशा प्रकारची कोणतीही माहिती पोलिसांना त्वरित कळवावी, असे आवाहनही पोलिसांनी केले आहे.
– धुळे दर्पण –
