धुळे दर्पण न्यूज :- महाराष्ट्राचे मुख्यमंत्री देवेंद्र फडणवीस यांच्या कारभारावर शिवसेना नेते, माजी आमदार अनिल गोटे यांनी ताशेरे ओढले आहेत. बीड जिल्ह्यातील मस्साजोग येथील सरपंच संतोष देशमुख यांच्या दिवसाढवळ्या झालेल्या निघृण हत्याप्रकरणी संशयित आरोपी वाल्मिक कराड याला पोलिस कारवाईतून आणि अटकेपासून संरक्षण दिल्याबद्दल त्यांनी फडणवीस यांच्यावर सडकून टीका केली आहे.


मुख्यमंत्र्यांच्या विधानसभेतील भाषणावर आक्षेप

  शिवसेना नेते गोटे यांनी फडणवीस यांच्या विधानसभेतील वर्तनावर नाराजी व्यक्त केली. "आरोपींना अटक होणार नाही यासाठी मुख्यमंत्र्यांनी केलेली वक्तव्ये आणि राणा भीमदेवी थाटात केलेले भाषण हे अपेक्षितच होते. नामचीन गुंडांना पक्षात सामावून घेत, त्यांना क्लीनचिट देणे हीच त्यांची पद्धत आहे," असे ते म्हणाले.

Follow the धुळे दर्पण channel on WhatsApp:

"धुळेतील ३२ गुंडांना पक्षप्रवेश दिला!"

  गोटे यांनी दावा केला की, फडणवीस यांनी धुळे शहरातील ३२ कुख्यात गुंडांना भाजपात प्रवेश दिला आणि त्यांना महापालिकेची तिकीटे दिली. "या कृतीने मी आणि फडणवीस यांच्यातील मतभेद अधिक तीव्र झाले," असे त्यांनी स्पष्ट केले.


सोमनाथ सूर्यवंशी प्रकरणाचा मुद्दा

  परभणी जिल्ह्यातील सोमनाथ सूर्यवंशी यांच्या मृत्यू प्रकरणीही गोटे यांनी मुख्यमंत्र्यांवर कडाडून टीका केली. "शासकीय वैद्यकीय अहवालानुसार पोलिसांच्या मारहाणीत सूर्यवंशी यांचा मृत्यू झाला होता. तरीही मुख्यमंत्र्यांनी या अहवालाला नाकारत खोट्या गोष्टींचा आधार घेतला," असे त्यांनी म्हटले.


"न्यायाची अपेक्षा ठेवू नका!"

  संतोष देशमुख आणि सोमनाथ सूर्यवंशी यांच्या कुटुंबीयांनी न्याय मिळण्याची अपेक्षा ठेवू नये, असा इशाराही गोटे यांनी दिला. "चौकशीसाठी मुदत वाढवली जाईल, पण प्रत्यक्षात काहीही होणार नाही," असा दावा त्यांनी केला.

"बातम्यासाठी या ग्रुपमध्ये जॉईन व्हा."

गोटेंच्या पत्रकाचे प्रमुख मुद्दे:

"नामचीन गुन्हेगारांना पक्षात घेत त्यांना क्लीनचिट दिली जात आहे."

"धुळे शहरात गुन्हेगारांना सन्मानाने राजकीय तिकीटे देण्यात आली आहेत."

"सरकारमध्ये विश्वास ठेवणे म्हणजे मूर्खपणाचे लक्षण."

- Advertisement -
शेवटी काय?

  अनिल गोटे यांनी या मुद्द्यावरून भाजप सरकार आणि मुख्यमंत्र्यांवर जोरदार हल्ला चढवला आहे. या प्रकरणांवर भविष्यात काय कारवाई होईल, हे पाहणे महत्त्वाचे ठरणार आहे.

– धुळे दर्पण – 

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -