धुळे दर्पण न्यूज :- शहरातील गल्ली क्रमांक ५ मध्ये असलेल्या युनिक इन ओयो हॉटेलमध्ये आझादनगर पोलिसांनी आज दुपारी धाड टाकून १८ ते १९ वयोगटातील चार तरुण व चार तरुणींना ताब्यात घेतले. या घटनेने धुळे शहरात खळबळ उडाली आहे.


नागरिकांच्या तक्रारींवर कारवाई

  गेल्या काही महिन्यांपासून परिसरातील नागरिकांनी या हॉटेलमध्ये महाविद्यालयीन तरुण-तरुणींच्या वारंवार येण्याची तक्रार केली होती. या ठिकाणी अनुचित प्रकार घडत असल्याचे अनेकदा निदर्शनास आले. नागरिकांच्या मागणीला प्रतिसाद देत आज आझादनगर पोलिसांनी अचानक धाड टाकली.

Follow the धुळे दर्पण channel on WhatsApp:

अश्लील चाळ्यांमध्ये गुंतलेले तरुण-तरुणी ताब्यात

  पोलिसांनी हॉटेलच्या रुमची झडती घेतली असता, एका रुममध्ये चार तरुण आणि चार तरुणी आक्षेपार्ह अवस्थेत आढळले. यावेळी पोलिसांनी त्यांना ताब्यात घेऊन चौकशीसाठी पोलीस ठाण्यात आणले. ताब्यात घेतलेले तरुण-तरुणी महाविद्यालयीन विद्यार्थी असल्याचे समजते.


पोलिसांची पथककारवाई

  ही कारवाई पोलीस निरीक्षक निवृत्ती पवार यांच्या मार्गदर्शनाखाली पीएसआय इम्रान खान, हेकॉं योगेश शिरसाठ, संदीप कढरे, शांतीलाल सोनवणे, पोकॉं अनिल शिंपी आणि महिला पोलीस कर्मचारी आकांक्षा गायकवाड यांनी केली.

"बातम्यासाठी या ग्रुपमध्ये जॉईन व्हा."

हॉटेल मालकाची चौकशी सुरू

  पोलिसांनी हॉटेल मालकाला चौकशीसाठी बोलावले असून, या प्रकरणात त्याच्यावर कायदेशीर कारवाई होणार आहे. हॉटेलमधील सुरक्षेची आणि नियमांचे पालन होण्याची जबाबदारी व्यवस्थापकाची असल्याने या प्रकरणात हॉटेल व्यवस्थापनावरही कठोर कारवाई होऊ शकते.


अन्य लॉजेसवरही छापेमारी

  शहरातील लॉजेस आणि हॉटेल्समध्ये वाढत्या अश्लील प्रकारांना आळा घालण्यासाठी आझादनगर, देवपूर आणि पश्चिम देवपूर पोलीस ठाण्यांच्या हद्दीत एकाचवेळी छापेमारी करण्यात आली. या कारवाईमुळे लॉज आणि हॉटेल चालकांमध्ये खळबळ उडाली आहे.

- Advertisement -

नागरिकांचे समाधान

  या कारवाईनंतर परिसरातील नागरिकांनी समाधान व्यक्त केले आहे. “आमच्या तक्रारींना पोलीस प्रशासनाने प्रतिसाद दिला, त्यामुळे अशा प्रकारांना आळा बसेल,” असे नागरिकांनी सांगितले.


पालकांना सूचना

  ताब्यात घेतलेल्या तरुण-तरुणींच्या पालकांना बोलावून त्यांच्या मुलांना योग्य मार्गदर्शन करण्याचे आवाहन पोलीस प्रशासनाने केले आहे.


सामाजिक नैतिकतेसाठी पोलीस प्रशासन सतर्क

  पोलिसांनी अशा ठिकाणी अनधिकृतपणे होणाऱ्या कृत्यांवर कठोर नजर ठेवण्याचा निर्धार व्यक्त केला आहे. भविष्यात असे प्रकार घडू नयेत म्हणून पोलिसांनी हॉटेल्स आणि लॉजेसवर नियमित तपासणी करण्याची योजना आखली आहे.


(सैय्यद सानिल – धुळे दर्पण)

– धुळे दर्पण – 

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम