धुळे दर्पण न्यूज :- सामाजिक कार्यकर्ते समाधान शेलार यांच्यावर झालेल्या प्राणघातक हल्ल्याच्या गुन्ह्यातील आरोपींना त्वरित अटक करण्यात यावी, अन्यथा पोलिस प्रशासनाविरोधात तीव्र आंदोलन करण्यात येईल, असा इशारा समाधान शेलार यांच्या पत्नी सौ. चित्रा शेलार यांनी दिला आहे.
Follow the धुळे दर्पण channel on WhatsApp:
गुन्हेगारांना अटक करण्याची मागणी
रामानंदनगर पोलीस ठाण्यात निवेदन देताना सौ. शेलार यांनी पोलिस प्रशासनावर गंभीर आरोप केले. मार्च २०२३ मध्ये समाधान शेलार यांच्यावर प्राणघातक हल्ला झाला. या हल्ल्यात ते गंभीर जखमी झाले होते. मात्र, गुन्ह्याचा तपास संथ गतीने सुरू असल्याने आरोपी अद्यापही मोकाट फिरत आहेत.
 |
| - Advertisement - |
संबंधित प्रकरणात आरोपींवर कठोर कारवाई करण्याऐवजी पोलीस टाळाटाळ करत असल्याचा आरोप सौ. शेलार यांनी केला. तसेच, जर पोलिसांनी लवकरच आरोपींना अटक केली नाही, तर आंदोलन तीव्र करण्याचा इशारा दिला.
गुन्हेगारांना अटक न झाल्यास आंदोलनाचा इशारा
या घटनेनंतर पोलिसांनी संशयित आरोपींना चौकशीसाठी ताब्यात घेतले होते. मात्र, गुन्हा अन्वेषण शाखेकडे वर्ग करण्याऐवजी स्थानिक पोलिसांनी या प्रकरणाकडे दुर्लक्ष केल्याचा आरोप करण्यात आला आहे.
न्याय मिळवण्यासाठी शेलार कुटुंबियांसोबत काही सामाजिक कार्यकर्तेही पोलिस ठाण्यात उपस्थित होते. त्यांनी पोलिसांकडून त्वरित कारवाईची मागणी केली. आरोपींना अटक करून त्यांच्या विरोधात कठोर कारवाई करावी, अशी मागणी करण्यात आली आहे.
"बातम्यासाठी या ग्रुपमध्ये जॉईन व्हा."
पोलीस प्रशासनावर निष्क्रियतेचा आरोप
पोलिसांनी अद्याप हल्लेखोरांना अटक केली नाही. त्यामुळे संबंधित प्रकरणात न्याय मिळेल का, याबाबत कुटुंबियांसह समर्थकांमध्ये प्रश्नचिन्ह निर्माण झाले आहे. न्यायासाठी आम्ही शेवटपर्यंत लढा देऊ, असे समाधान शेलार यांच्या समर्थकांनी सांगितले.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
