धुळे दर्पण न्यूज :- धुळे महापालिकेने शहरातील मालमत्ताधारकांना मोठा दिलासा दिला आहे. ३१ जुलै २०२५ पर्यंत थकीत मालमत्ता करावरची 'शास्ती माफी' तसेच तत्काळ कर भरणाऱ्यांना मिळणाऱ्या १० टक्के सवलतीची मुदतवाढ जाहीर करण्यात आली आहे. आयुक्त अमिता दगडे-पाटील यांनी ही माहिती पत्रकार परिषदेत दिली.

Follow the धुळे दर्पण channel on WhatsApp:

  महापालिकेकडून मालमत्ता कराच्या वसुलीसाठी सुरू असलेल्या विशेष मोहिमेला नागरिकांकडून चांगला प्रतिसाद मिळत आहे. दररोज महापालिकेच्या करवसुली विभागात मोठ्या प्रमाणात नागरिक गर्दी करत आहेत. त्यामुळेच सवलतीची मुदत वाढवण्याचा निर्णय घेतल्याचे आयुक्तांनी स्पष्ट केले.

💠 थकीत करावर शास्ती माफी

  ज्या नागरिकांनी अनेक वर्षांपासून मालमत्ता कर भरलेला नाही, त्यांना संधी देत मनपाने ३१ जुलैपर्यंत संपूर्ण थकबाकी भरल्यास शास्ती माफ करण्याचा निर्णय घेतला आहे. यामुळे अनेक जुने थकबाकीदार आता पुढे येऊन कर भरत आहेत.

- Advertisement -

💠 तातडीने अर्ज करा – करपत्रकात तफावत असल्यास

  नवीन संगणकीकृत पद्धतीनुसार तयार करण्यात आलेल्या करपत्रकांमध्ये काही नागरिकांना तफावत जाणवत आहे. अशा प्रकरणांमध्ये संबंधितांनी त्वरित महापालिकेच्या करविभागात लेखी अर्ज करावा. पुनर्मोजणी व पडताळणी केल्यानंतर आवश्यक ते बदल करून सुधारित करपत्रक देण्यात येईल.

💠 पूर्वीपेक्षा कमी दराने कर

  महापालिकेने यंदा मालमत्ता कर दरांमध्ये कपात करत ३६ टक्क्यांवरून ३० टक्के इतका दर निश्चित केला आहे. त्यामुळे एप्रिल २०२५ पासून नवीन दरांनुसार करपत्रके वाटप सुरू करण्यात आले. मात्र संगणकीय अडचणी व पडताळणी प्रक्रिया सुरु असल्यामुळे काही भागात अद्याप देयकांचे वितरण पूर्ण झालेले नाही.

📌 नागरिकांसाठी महत्त्वाचे

  • थकीत करावर शास्ती माफीची अंतिम मुदत : ३१ जुलै २०२५
  • तत्काळ कर भरणाऱ्यांना १०% सूट : ३१ जुलै २०२५ पर्यंत
  • तफावत असल्यास करविभागात तातडीने अर्ज करण्याचे आवाहन

  महापालिकेने दिलेल्या सूट योजनेचा लाभ घेऊन आपला कर वेळेवर भरा आणि कायदेशीर दंड व शास्तीपासून वाचावा, असे आवाहन आयुक्त अमिता दगडे-पाटील यांनी केले आहे. तसेच, अधिकाधिक नागरिकांनी या संधीचा लाभ घ्यावा यासाठी जनजागृती मोहीम देखील सुरू करण्यात आली आहे.

"बातम्यासाठी या ग्रुपमध्ये जॉईन व्हा."

"बातम्यासाठी या ग्रुपमध्ये जॉईन व्हा."

📞 अधिक माहिती व तक्रारींसाठी संपर्क:
महापालिका करविभाग, धुळे – कार्यालयीन वेळेत उपस्थित राहावे.

धुळे दर्पण
मुख्य संपादक : सैय्यद सानिल
(B.Com, M.Com, M.A.MCJ)
📞 बातमी व जाहिरातीसाठी संपर्क : 8087860039 / 8806680480
📩 ईमेल : dhuledarpan@gmail.com

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -