धुळे दर्पण न्यूज :- अनेक नागरिकांकडे नकळत किंवा जाणूनबुजून एकाच नावावर दोन मतदार ओळखपत्र असतात. काही वेळा गावाहून शहरात स्थलांतर केल्यावर किंवा पत्ता बदलल्यावर, जुन्या जागेवरचे नाव मतदार यादीत राहून जाते आणि नव्या ठिकाणीही नाव नोंदवलं जातं. अशा परिस्थितीत एकाच व्यक्तीच्या नावावर दोन ठिकाणी मतदार ओळखपत्रे निर्माण होतात. मात्र ही बाब गंभीर असून, कायद्याने दंडनीय आहे.
Follow the धुळे दर्पण channel on WhatsApp:
🔹 गुन्हा दाखल होऊ शकतो
निवडणूक आयोगाच्या नियमानुसार एकाच व्यक्तीच्या नावावर दोनपेक्षा जास्त मतदार ओळखपत्रे असणे गुन्हा मानला जातो. जर अशा प्रकारे बनावट किंवा जादा मतदार ओळखपत्र सापडले तर संबंधित व्यक्तीवर गुन्हा दाखल होऊ शकतो आणि कारावासाची शिक्षा देखील होऊ शकते.
 |
| - Advertisement - |
🔹 मतदानाचा अधिकार नाकारला जाऊ शकतो
एका नागरिकाकडे दोन ठिकाणी नावे असल्यास त्याचा मतदानाचा अधिकारही धोक्यात येऊ शकतो. चुकीची माहिती दिल्यामुळे आयोगाकडून त्या व्यक्तीचे नाव मतदार यादीतून कायमचे वगळले जाऊ शकते. त्यामुळे मतदारांनी स्वतःहून वेळेवर चुकीचे नाव रद्द करून घ्यावे.
🔹 ऑनलाईन सुविधा उपलब्ध
आजच्या डिजिटल युगात हा प्रकार दुरुस्त करण्यासाठी ऑनलाईन सुविधा उपलब्ध आहे. राष्ट्रीय मतदार सेवा पोर्टल (NVSP) वर जाऊन "फॉर्म-७" भरून आपले जादा नाव किंवा ओळखपत्र रद्द करता येते. तसेच, स्थानिक निवडणूक कार्यालयामार्फत देखील अर्ज दाखल करून ही प्रक्रिया पूर्ण करता येते.
🔹 वेगवेगळ्या ठिकाणी नावे
शहरात राहणाऱ्या अनेक नागरिकांचे नाव मूळ गावातही मतदार यादीत राहते. परंतु अशा परिस्थितीत हे नाव डुप्लीकेट समजले जाते आणि जर वेळीच दुरुस्ती केली नाही तर भविष्यात मोठी अडचण निर्माण होऊ शकते.
 |
| - Advertisement - |
🔹 अर्ज करणे अत्यावश्यक
ज्या नागरिकांचे नाव दोन ठिकाणी आहे त्यांनी तात्काळ निवडणूक आयोगाच्या संकेतस्थळावर किंवा कार्यालयात जाऊन जादा नाव रद्द करण्यासाठी अर्ज करावा. अर्ज करताना आधारकार्ड, ओळखपत्र इत्यादी आवश्यक कागदपत्रे सोबत ठेवावीत.
👉 नागरिकांनी ही बाब गांभीर्याने घ्यावी आणि स्वतःच्या नावावर दोन मतदार कार्ड राहणार नाहीत याची दक्षता घ्यावी. कारण मतदानाचा अधिकार हा आपला घटनादत्त हक्क आहे आणि त्याच्या गैरवापरामुळे आपल्यालाच तुरुंगवास भोगावा लागू शकतो.
