रोटी-पिझ्झा जीएसटीमुक्त, विम्यावरही कर माफ; १७५ वस्तू स्वस्त होणार

  धुळे दर्पण न्यूज :-  ग्राहक, उद्योग आणि व्यापारी वर्गासाठी मोठा दिलासा देणारा निर्णय जीएसटी कौन्सिलने घेतला आहे. अर्थमंत्री निर्मला सीतारमण यांच्या अध्यक्षतेखाली झालेल्या जीएसटी कौन्सिलच्या ५६ व्या बैठकीत कर रचनेत मोठा बदल करण्यात आला आहे. १२% आणि २८% या दोन स्लॅब्सला कायमचा रामराम ठोकत आता देशात फक्त ५% आणि १८% हे दोनच दर लागू राहणार आहेत. हे बदल येत्या २२ सप्टेंबरपासून अंमलात येणार आहेत.

Follow the धुळे दर्पण channel on WhatsApp:

  सीतारमण यांनी पत्रकार परिषदेत सांगितले की, "जीएसटी रचना सोपी करणे आणि सामान्य नागरिकांना दिलासा देणे हे या सुधारणा प्रक्रियेचे प्रमुख उद्दिष्ट आहे. या निर्णयामुळे सुमारे १७५ वस्तू स्वस्त होतील. त्याचबरोबर आरोग्य विमा, जीवन विमा आणि काही जीवनरक्षक औषधांवरील जीएसटी रद्द करण्यात आला आहे."

काय होणार जीएसटीमुक्त?

  • दूध, रोटी, पिझ्झा ब्रेड, चेन्ना यांसह अनेक अन्नपदार्थ पूर्णपणे करमुक्त केले जातील.
  • आरोग्य विमा, जीवन विमा यावर जीएसटी राहणार नाही.
  • जीवनरक्षक औषधांवरील करदेखील मोठ्या प्रमाणावर कमी होईल.

- Advertisement -

कोणत्या वस्तू स्वस्त होतील?

🔹 १२% वरून ५% :

  • ड्रायफ्रूट्स, स्नॅक्स, नमकीन, दूध पावडर, टूथपेस्ट, साबण, केसांचे तेल
  • सामान्य औषधे, लसी, डायग्नोस्टिक किट
  • फ्रोजन भाज्या, शिलाई मशीन, प्रेशर कुकर, गीझर
  • मोबाईल, काही संगणक, पादत्राणे, कपडे
  • सायकली, भांडी, नकाशे, ग्लोब, कृषी यंत्रसामग्री

🔹 २८% वरून १८% :

  • सिमेंट, सौंदर्य प्रसाधने, चॉकलेट, रेडी-मिक्स काँक्रीट
  • टीव्ही, रेफ्रिजरेटर, वॉशिंग मशीन, एसी, डिशवॉशर
  • प्रिंटर, प्लास्टिक उत्पादने, टायर, अॅल्युमिनियम फॉइल, काचेचे साहित्य
  • प्रथिने सांद्रता, कॉफी कॉन्सन्ट्रेट, खाजगी विमान

- Advertisement -

कोणत्या वस्तूंवर कर वाढणार?

  • २० लाख रुपयांपेक्षा महाग लक्झरी इलेक्ट्रिक वाहनांवर कर दर ५% वरून १८% केला जाणार आहे.
  • तंबाखू, गुटखा आणि लक्झरी वस्तूंवर विशेष ४०% जीएसटी आकारला जाईल.

उद्योग-व्यापारी वर्गासाठी दिलासा

  • एमएसएमई व स्टार्टअप्ससाठी नोंदणीची वेळ ३० दिवसांवरून केवळ ३ दिवसांपर्यंत कमी करण्यात आली आहे.
  • निर्यातदारांना स्वयंचलित परतावा प्रणाली लागू होईल.
  • स्वयंचलित जीएसटी रिटर्न फाइलिंगची नवीन प्रणाली लागू केली जाणार आहे.

विरोधी राज्यांचा आक्षेप

  बैठकीत काही राज्यांनी महसुली नुकसानाची चिंता व्यक्त केली. त्यांचे म्हणणे आहे की कमी दरांचा फायदा कंपन्यांनी न घेता तो थेट ग्राहकांपर्यंत पोहोचला पाहिजे. तसेच, ४०% लक्झरी करातून मिळणारा महसूल राज्यांना मिळावा अशी मागणी करण्यात आली आहे.

"बातम्यासाठी या ग्रुपमध्ये जॉईन व्हा."

दिवाळीपूर्वी मोठी भेट

  पंतप्रधान नरेंद्र मोदी यांनी स्वातंत्र्यदिनी लाल किल्ल्यावरून दिलेली जीएसटी सुधारणांची घोषणा प्रत्यक्षात आली आहे. दिवाळीपूर्वी लोकांना रोजच्या वापरातील वस्तू स्वस्त होणार आहेत.

धुळे दर्पण

मुख्य संपादक : सैय्यद सानिल

(B.Com, M.Com, M.A.MCJ)

📞 बातमी व जाहिरातीसाठी संपर्क : 8087860039 / 8806680480

📩 ईमेल : dhuledarpan@gmail.com

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम


- Advertisement -