ग्रामस्थांची प्रतिक्रिया
Follow the धुळे दर्पण channel on WhatsApp:
आज दिनांक २५ नोव्हेंबर रोजी, अवधान गावातील ग्रामस्थांनी प्रसारमाध्यमांशी संवाद साधत आपली नाराजी व्यक्त केली. ग्रामस्थांचे म्हणणे आहे की, "धुळे तालुक्यात काँग्रेसच्या घराण्याने गेल्या अनेक वर्षांपासून विकास कार्य केले आहे. दाजी पाटील आणि कुणाल पाटील यांच्या नेतृत्वाखाली तालुक्यात प्रगतीचा आलेख उंचावला. तरीही निवडणुकीत इतक्या मोठ्या फरकाने पराभव होणे शंकास्पद वाटते."
पराभवावर शंका का?
गावकऱ्यांचे म्हणणे आहे की, मतमोजणीदरम्यान अवधान गावात कुणाल पाटील यांना सुरुवातीला शून्य मते मिळाल्याचे सांगण्यात आले. त्यानंतर १,०५७ मते मिळाल्याचे जाहीर झाले. मात्र, गावातील मोठ्या प्रमाणावर समर्थन असतानाही मतांची संख्या इतकी कमी कशी राहिली, हा प्रश्न ग्रामस्थांच्या मनात आहे.
भाजपचा मोठा लीड
निवडणूक निकालानुसार, धुळे ग्रामीण मतदारसंघात भाजपच्या उमेदवाराला ६७,००० मतांनी लीड मिळाला आहे. भाजपच्या विजयावरही संशय व्यक्त करत गावकऱ्यांनी दावा केला की, "मतमोजणीदरम्यान भाजपच्या कार्यकर्त्यांनीच सांगितले होते की, काँग्रेस उमेदवार २५,००० मतांनी आघाडीवर आहेत. परंतु अंतिम निकाल वेगळाच लागला."
धुळे जिल्ह्याच्या महत्वपूर्ण अपडेट्स जाणून घेण्यासाठी आत्ताच जॉईन करा Group 1
ग्रामस्थांची मागणी
अवधान गावकऱ्यांनी निवडणूक आयोगाकडे फेरतपासणीची मागणी केली आहे. "निवडणुकीत घोटाळा झाला असावा," असा दावा करत त्यांनी मतमोजणीची सखोल चौकशी होण्याची गरज असल्याचे सांगितले.
निवडणूक आयोगाकडून भूमिका अपेक्षित
निवडणूक आयोगाने या प्रकरणाची दखल घेऊन योग्य ती कारवाई करावी, अशी अपेक्षा गावकऱ्यांनी व्यक्त केली आहे. या संदर्भात जिल्हा प्रशासनाकडून कोणती भूमिका घेतली जाईल, हे पाहणे महत्त्वाचे ठरेल.
धुळे ग्रामीण मतदारसंघातील हा वाद निवडणुकीनंतरही चिघळत असल्याचे दिसत आहे. यामुळे गावकऱ्यांच्या भावना आणि निवडणूक प्रक्रियेवर विश्वास पुनर्स्थापित करण्यासाठी संबंधित यंत्रणांकडून लवकरात लवकर योग्य तो निर्णय होणे गरजेचे आहे.
– धुळे दर्पण –
