धुळे दर्पण न्यूज :- ३ फेब्रुवारी – खान्देश विभागासाठी स्वतंत्र कृषी विद्यापीठाची गरज असून त्याचे मुख्यालय धुळे येथे व्हावे, अशी जोरदार मागणी माजी आमदार प्रा. शरद पाटील यांनी केली आहे. आज आयोजित पत्रकार परिषदेत त्यांनी यासंदर्भात आपली भूमिका स्पष्ट करताना सांगितले की, धुळे कृषी महाविद्यालयाकडे विद्यापीठासाठी आवश्यक पायाभूत सुविधा आणि जागा उपलब्ध आहे.
Follow the धुळे दर्पण channel on WhatsApp:
विद्यापीठासाठी धुळेच योग्य का?
धुळे कृषी महाविद्यालयाकडे स्वतंत्र इमारतींसह तज्ज्ञ प्राध्यापक उपलब्ध असून, आवश्यक त्या सर्व सोयी-सुविधा येथे आहेत. कमी खर्चात कृषी विद्यापीठ सुरू करता येईल. तसेच धुळे शहराला रेल्वे, महामार्ग आणि जलसंपत्तीचा उत्तम आधार असल्याने ते संपूर्ण खान्देशासाठी सोयीचे ठरेल. मनमाड-नरडाणा-इंदूर हा नवीन रेल्वेमार्ग मंजूर झाला आहे, तापी नदीमुळे जलसंपत्तीची कमतरता नाही आणि सुलवाडे-जामफळ उपसा सिंचन योजनेस मंजुरी मिळण्याच्या मार्गावर आहे. या सर्व कारणांमुळे धुळे हे कृषी विद्यापीठासाठी योग्य स्थळ ठरू शकते.
खान्देशातील कृषी संशोधन आणि प्रक्रिया उद्योगांचा विकास आवश्यक
खान्देश विभागात केळी, कडधान्ये आणि दुय्यम पिकांचे मोठ्या प्रमाणावर उत्पादन होते. मात्र, त्यावर संशोधन व प्रक्रिया उद्योग उभारणीच्या संधी उपलब्ध नाहीत. स्वतंत्र कृषी विद्यापीठ स्थापन झाल्यास शेतकऱ्यांसाठी नव्या तंत्रज्ञानावर संशोधन होईल आणि उत्पादनक्षमतेत वाढ होईल.
---
धुळे जिल्ह्यासाठी ‘नानाजी देशमुख कृषी संजीवनी योजना’ लागू करावी – प्रकाश पाटील
धुळे हा कायम दुष्काळी जिल्हा आहे, त्यामुळे येथे नानाजी देशमुख कृषी संजीवनी योजना त्वरित लागू करावी, अशी मागणी कृषीभूषण प्रकाश पाटील यांनी केली आहे. राज्य शासनाने जागतिक बँकेच्या सहकार्याने २०१६ मध्ये ही योजना लागू केली होती. पहिल्या टप्प्यात मराठवाड्यातील १४ जिल्ह्यांना याचा लाभ मिळाला, त्यानंतर जळगाव आणि मालेगाव तालुक्याचा समावेश झाला. सध्या दुसऱ्या टप्प्यात २१ जिल्ह्यातील ७००० गावांसाठी ही योजना लागू करण्यात येणार आहे. मात्र, धुळे जिल्ह्याचा समावेश करण्यात आलेला नाही.
"बातम्यासाठी या ग्रुपमध्ये जॉईन व्हा."
काय आहेत या योजनेचे फायदे?
या योजनेअंतर्गत शेतकऱ्यांना ठिबक सिंचन, शेडनेट, पॉलीहाऊस, विहीर खोदकाम, वृक्ष लागवड, नाला बांध, अनुदानित बियाणे, प्रक्रिया केंद्र, शेतमाल वाहतूक सुविधा, कुक्कुटपालन, मत्स्यपालन, मधुमक्षिकापालन, शीतगृह, तेल गाळप युनिट, मसाले युनिट आणि शेळीपालन यांसारख्या योजनांचा लाभ मिळतो. धुळे जिल्ह्यातील शेतकऱ्यांना या योजनेबाबत फारशी माहिती नाही. त्यामुळे राजकीय दबावगट तयार करून ही योजना मंजूर करून घेण्याची गरज आहे.
---
कर्ज थकबाकीमुळे शेतकरी नव्या कर्जास अपात्र
महाराष्ट्रातील ३३ जिल्हा मध्यवर्ती सहकारी बँकांसह ४५ राष्ट्रीयकृत बँकांकडून २०२३-२४ मध्ये ५६ लाख शेतकऱ्यांना सुमारे ६० हजार कोटी रुपये कर्ज वाटप करण्यात आले. मात्र, मोठ्या संख्येने शेतकरी जुनी थकबाकी असल्याने नव्या कर्जास अपात्र ठरत आहेत.
कर्जमाफीच्या आश्वासनांमुळे शेतकरी संभ्रमात
राजकीय पक्ष निवडणुकीच्या तोंडावर कर्जमाफीचे आश्वासन देतात, मात्र प्रत्यक्षात पूर्ण कर्जमाफी होत नाही. त्यामुळे काही प्रामाणिक शेतकरी देखील कर्ज भरण्यासाठी मागेपुढे पाहतात, ज्याचा परिणाम त्यांच्या सिबिल स्कोअरवर होतो. यामुळे नवीन हंगामासाठी आवश्यक भांडवल उपलब्ध होत नाही, व्याजदर वाढतात आणि शेतकरी अधिक कर्जबाजारी होतो.
 |
| - Advertisement - |
शेतकऱ्यांना वारंवार कर्जमाफीच्या आश्वासनांऐवजी शाश्वत कृषी धोरणाची आवश्यकता आहे. दीर्घकालीन कर्ज पुनर्रचना, कमी व्याजदराने कर्ज, नैसर्गिक आपत्ती विमा योजना आणि कृषी उत्पन्न बाजार व्यवस्थेतील सुधारणा केल्यास शेतकऱ्यांचे आर्थिक सशक्तीकरण होईल.
---
(धुळे दर्पण विशेष वृत्त)
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
