धुळे दर्पण न्यूज :- हिंदू नववर्षाच्या स्वागतासाठी दरवर्षीप्रमाणे यंदाही धुळे शहरात भव्य शोभायात्रेचे आयोजन करण्यात आले आहे. ३० मार्च रोजी गुढीपाडव्याच्या निमित्ताने सकाळी ८ वाजता देवपूर येथील श्री एकवीरा माता मंदिरापासून शोभायात्रेला प्रारंभ होणार आहे. या निमित्ताने धुळे शहराचे आमदार अनुप अग्रवाल यांनी तमाम हिंदू बांधवांना मोठ्या संख्येने या सोहळ्यात सहभागी होण्याचे आवाहन केले आहे.
Follow the धुळे दर्पण channel on WhatsApp:
आमदार अनुप अग्रवाल यांचे आवाहन
धुळे शहराचे आमदार अनुप अग्रवाल हे सध्या विधिमंडळाच्या कामकाजासाठी मुंबईत असून, त्यांनी एक व्हिडिओ संदेशाद्वारे धुळेकरांना या शोभायात्रेत सहभागी होण्याचे आवाहन केले आहे. त्यांनी सांगितले की, "हिंदू नववर्षाच्या स्वागतासाठी आपण सर्वांनी एकत्र यायला हवे. गुढीपाडवा हा आपल्या संस्कृतीचा अभिमान व्यक्त करणारा सण आहे. आपल्या सनातन संस्कृतीचे जतन आणि धर्म रक्षण करण्यासाठी ३० मार्च रोजी श्री एकवीरा माता मंदिर येथे सकाळी ८ वाजता मोठ्या संख्येने उपस्थित राहावे."
 |
| - Advertisement - |
ही भव्य शोभायात्रा श्री एकवीरा माता मंदिरापासून सुरू होऊन शहरातील प्रमुख मार्गांवरून पुढे जाईल. या यात्रेत भगवे ध्वज, वाद्यपथक, लेझीम, झांज पथक, ढोल-ताशा वाजवणारे संघ, तसेच पारंपरिक वेषभूषेतील महिला व युवक सहभागी होणार आहेत. यात्रा मार्गावर फुलांची सजावट, स्वागत कमानी आणि विविध ठिकाणी महाप्रसादाचे आयोजन देखील करण्यात येणार आहे.
धुळेकरांची मोठ्या प्रमाणावर उपस्थिती अपेक्षित
हिंदू नववर्षाच्या स्वागतासाठी दरवर्षी हजारो लोक या शोभायात्रेत उत्साहाने सहभागी होतात. यंदाही मोठ्या प्रमाणावर नागरिकांची उपस्थिती राहणार असल्याची शक्यता आहे. शहरातील विविध धार्मिक आणि सामाजिक संस्थांनीही यात्रेच्या यशस्वी आयोजनासाठी तयारी सुरू केली आहे.
"बातम्यासाठी या ग्रुपमध्ये जॉईन व्हा."
गुढीपाडवा हा केवळ नवीन वर्षाची सुरुवात नसून, संस्कृती, परंपरा आणि एकात्मतेचे प्रतीक आहे. त्यामुळे ३० मार्च रोजी सकाळी ८ वाजता एकविरा माता मंदिर येथे उपस्थित राहून या भव्य शोभायात्रेत सहभागी होण्याचे आवाहन आमदार अनुप अग्रवाल यांनी केले आहे.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
