धुळे दर्पण न्यूज :- महाराष्ट्र राज्य वीज वितरण कंपनी (महावितरण) समोरील आर्थिक अडचणींमुळे थकीत वीजबिल वसुलीसाठी आता अधिक कठोर पावले उचलण्याचा निर्णय घेतला आहे. धुळे आणि नंदुरबार या दोन जिल्ह्यांमध्ये थकीत वीजबिलांची रक्कम तब्बल २८४.३९ कोटी रुपये झाली आहे. या थकीत वसुलीसाठी महावितरणने आता कठोर कारवाईचा इशारा दिला आहे.
Follow the धुळे दर्पण channel on WhatsApp:
धुळे जिल्ह्यातील थकबाकीची परिस्थिती
धुळे जिल्ह्यात एकूण थकबाकीची रक्कम १३३ कोटी ८० लाख रुपये आहे. त्यामध्ये सर्वाधिक थकबाकी ही सार्वजनिक दिवाबत्ती (₹१३३.५० कोटी) आणि सार्वजनिक पाणीपुरवठा (₹९.३३ कोटी) यांच्याकडे आहे.
धुळे जिल्ह्यातील इतर प्रमुख थकीत वीजबिल प्रवर्ग खालीलप्रमाणे आहेत:
सरकारी कार्यालये: ₹१ कोटी ९ लाख
घरेलू ग्राहक: ₹२६ कोटी ८९ लाख
वाणिज्य ग्राहक: ₹१० कोटी १० लाख
औद्योगिक ग्राहक: ₹१० कोटी ३९ लाख
इतर ग्राहक: ₹१२ लाख
नंदुरबार जिल्ह्यातील थकीत वीजबिल परिस्थिती
नंदुरबार जिल्ह्यातील थकीत वीजबिलांची रक्कम १४८.४९ कोटी रुपये आहे. येथे देखील महावितरणला मोठ्या प्रमाणात वीजबिल वसुली करावी लागणार आहे.
 |
| - Advertisement - |
महावितरणकडून थकीत वीजबिल वसुलीसाठी अनेक प्रयत्न सुरू आहेत. वीजबिल थकवणाऱ्या ग्राहकांवर वीजपुरवठा खंडित करण्याची कारवाई केली जात आहे. यामध्ये अनेक शासकीय कार्यालये आणि स्थानिक स्वराज्य संस्थांचाही समावेश आहे.
"बातम्यासाठी या ग्रुपमध्ये जॉईन व्हा."
विशेषतः सार्वजनिक दिवाबत्ती आणि पाणीपुरवठा यांसाठी जबाबदार असणाऱ्या स्थानिक स्वराज्य संस्थांनी वीजबिल भरण्यास विलंब केल्यास महावितरण थेट वीजपुरवठा बंद करण्याची कारवाई करू शकते.
ग्राहकांना आवाहन
महावितरणकडून सर्व ग्राहकांना आवाहन करण्यात आले आहे की, त्यांनी त्वरित थकबाकी भरावी. अन्यथा वीजपुरवठा खंडित करण्याची कारवाई होईल.
संपूर्ण जिल्ह्यात वीजबिल वसुली प्रक्रियेला गती देण्यासाठी महावितरणच्या अधिकाऱ्यांनी विशेष मोहीम हाती घेतली आहे. ग्राहकांनीही सहकार्य करून थकीत बिले भरणे आवश्यक आहे, अन्यथा महावितरण कठोर पावले उचलण्यास मागेपुढे पाहणार नाही.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
