धुळे दर्पण न्यूज :- धुळे सोशल मीडियावर सातत्याने धार्मिक भावना दुखावणारे आणि समाजात तेढ निर्माण करणारे पोस्ट्स आढळून येत आहेत. अशाच एका प्रकरणात साक्री पोलिसांनी एका इसमाविरोधात गुन्हा दाखल केला आहे. इंस्टाग्रामवर विशिष्ट पोस्ट टाकून धार्मिक भावना दुखावल्याच्या आरोपाखाली सुलतान महेबुब मन्सुरी (रा. कासारे, ता. साक्री; ह.मु. सुरत, गुजरात) याच्याविरोधात साक्री पोलिस ठाण्यात गुन्हा दाखल करण्यात आला आहे.

Follow the धुळे दर्पण channel on WhatsApp:

काय आहे प्रकरण?

  साक्री पोलिसांकडून मिळालेल्या माहितीनुसार, २१ मार्च २०२५ रोजी सकाळी ९.३० वाजता सुलतान मन्सुरी याने त्याच्या ‘रॉकी-००९’ या इंस्टाग्राम अकाउंटवर दोन धर्मांमध्ये तेढ निर्माण होईल आणि समाजातील एकोपा टिकण्यास बाधा येईल, अशा स्वरूपाचा मजकूर पोस्ट केला. या मजकुरासोबत त्याने औरंगजेबसारख्या दिसणाऱ्या व्यक्तीचा फोटो असलेले स्टेटस ठेवले होते.

- Advertisement -
  यासोबतच, त्याने एक इसम हातात ढाल व तलवार धरून उभा आहे, अशा स्वरूपाचा स्टेटसही ठेवला होता. यावर आणखी एक आक्षेपार्ह ऑडिओ क्लिप जोडली होती. या स्टेटसमुळे सामाजिक शांतता बिघडू शकते आणि धार्मिक भावना दुखावल्या जात आहेत, असे आक्षेप घेण्यात आले. त्यामुळे संबंधित इसमाविरोधात साक्री पोलिस ठाण्यात गुन्हा दाखल करण्यात आला आहे.

"बातम्यासाठी या ग्रुपमध्ये जॉईन व्हा."

पोलीस तपास सुरू

  या प्रकरणी साक्री पोलिसांनी तातडीने कारवाई करत गुन्हा नोंदवला असून पुढील तपास सुरू आहे. सोशल मीडियावर धार्मिक भावना दुखावणाऱ्या किंवा द्वेष पसरवणाऱ्या पोस्ट करणे हा कायद्याने गुन्हा आहे. त्यामुळे नागरिकांनी सोशल मीडियावर कोणताही वादग्रस्त किंवा समाजात तेढ निर्माण करणारा मजकूर पोस्ट करण्याचे टाळावे, असा इशारा पोलिसांनी दिला आहे.

- Advertisement -
सामाजिक शांतता अबाधित ठेवण्याचे आवाहन

  धुळे जिल्ह्यात गेल्या काही महिन्यांत सोशल मीडियाद्वारे समाजात तेढ निर्माण करण्याच्या घटना वाढताना दिसत आहेत. त्यामुळे पोलिस प्रशासनाने नागरिकांना सतर्क राहण्याचे आणि कोणत्याही भडकावू पोस्ट शेअर न करण्याचे आवाहन केले आहे. तसेच, अशा प्रकारच्या पोस्ट कोणी करत असल्यास तातडीने पोलिसांना माहिती द्यावी, असे आवाहन करण्यात आले आहे.


(धुळे दर्पणसाठी सैय्यद सानिल)

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -