धुळे दर्पण न्यूज :- धुळे, राष्ट्रीय लोक अदालतीच्या माध्यमातून देशभरातील न्यायालयांमध्ये मोठ्या प्रमाणावर प्रकरणे निकाली काढली जातात. धुळे जिल्ह्यातही २२ मार्च २०२५ रोजी झालेल्या लोक अदालतीत वादपूर्व आणि प्रलंबित अशा एकूण १७,४४२ प्रकरणांचा निपटारा करण्यात आला. तसेच २२ कोटी ४८ लाख ७७ हजार रुपयांची नुकसान भरपाई वसूल करून देण्यात आली.

Follow the धुळे दर्पण channel on WhatsApp:

लोक अदालतीचा यशस्वी आयोजन

  राष्ट्रीय विधी सेवा प्राधिकरण, दिल्ली व महाराष्ट्र राज्य विधी सेवा प्राधिकरण, उच्च न्यायालय, मुंबई यांच्या आदेशानुसार धुळे जिल्हा व तालुका न्यायालयांमध्ये राष्ट्रीय लोक अदालतीचे आयोजन करण्यात आले होते. जिल्ह्यातील प्रमुख जिल्हा व सत्र न्यायाधीश तथा जिल्हा विधी सेवा प्राधिकरणाच्या अध्यक्षा मा. माधुरी आनंद यांच्या मार्गदर्शनाखाली ही लोक अदालत पार पडली.

प्रकरणांचा तपशील

  या अदालतीत न्यायालयातील ५,१०० प्रलंबित प्रकरणे आणि ७५,५४२ वादपूर्व प्रकरणे ठेवण्यात आली होती. यामध्ये प्रमुखतः खालील प्रकारची प्रकरणे समाविष्ट होती –


प्रलंबित प्रकरणे:

 - धनादेश न वटल्याबाबतचे गुन्हे

 - मोटार अपघात भरपाई प्रकरणे

 - कौटुंबिक वाद


वादपूर्व प्रकरणे:

 - ग्रामपंचायत थकबाकी

 - विज बिल थकबाकी

 - बँक आणि फायनान्स कंपनी थकबाकी

 - कौटुंबिक वाद


  या पैकी ४३१ प्रलंबित प्रकरणे आणि १७,०११ दाखलपूर्व प्रकरणे अशा १७,४४२ प्रकरणांचे निपटारा समोपचाराने करण्यात आला.

"बातम्यासाठी या ग्रुपमध्ये जॉईन व्हा."

सर्वाधिक भरपाई मोटार अपघात प्रकरणांमध्ये

  राष्ट्रीय लोक अदालतीत १३७ मोटार अपघात भरपाई प्रकरणे तडजोडीने निकाली काढण्यात आली, ज्यामुळे एकूण १० कोटी ५ लाखांपेक्षा जास्त नुकसान भरपाई संबंधित पक्षकारांना मिळाली.


कौटुंबिक वाद निकाली; ९ जोडपी पुन्हा एकत्र

  लोक अदालतीत ९ जोडप्यांनी आपले मतभेद मिटवून पुन्हा एकत्र राहण्याचा निर्णय घेतला, हे समाजातील सौहार्दपूर्ण वातावरणाचे एक उत्तम उदाहरण ठरले.

- Advertisement -
न्यायालय, वकील संघटनांचे सहकार्य

  या लोक अदालतीसाठी धुळे जिल्हा वकील संघ, तालुका वकील संघ, पोलिस प्रशासन, विविध बँका, ग्रामपंचायती, महावितरण कंपनी आदींचे मोठे सहकार्य लाभले. धुळे जिल्हा विधी सेवा प्राधिकरणाचे सचिव तथा न्यायाधीश संदीप वि. स्वामी यांनी सर्व सहकाऱ्यांचे आभार मानले आणि उपरोक्त माहिती दिली.


न्यायप्रक्रियेतील सकारात्मक पाऊल

  राष्ट्रीय लोक अदालतीत मोठ्या प्रमाणावर प्रकरणे तडजोडीने निकाली निघाल्याने नागरिकांना वेळ आणि पैशांची बचत झाली. तसेच दीर्घकाळ प्रलंबित असलेली प्रकरणे सोडवण्यास मदत झाली. धुळे जिल्ह्यातील हा उपक्रम यशस्वी ठरल्याने भविष्यात अशा प्रकारच्या लोक अदालतींचे आयोजन अधिक व्यापक स्तरावर होण्याची शक्यता आहे.

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -