धुळे दर्पण न्यूज :- शिंदखेडा तालुक्यातील निरगुडी येथील चरणसिंग जयसिंग भामटे याने पोलिस पाटील पदासाठी अर्ज करताना सादर केलेला जात प्रमाणपत्र बनावट असल्याचे उघड झाल्यानंतर त्याच्यावर फसवणुकीचा गुन्हा दाखल करण्यात आला होता. त्यानंतर भामटे याने जिल्हा सत्र न्यायालयात जामिनासाठी अर्ज दाखल केला होता, परंतु न्यायालयाने तो अर्ज फेटाळून लावत एक महत्त्वाचा संदेश दिला आहे.
Follow the धुळे दर्पण channel on WhatsApp:
घटनेची पार्श्वभूमी
२०१८ साली शिंदखेडा तालुक्यातील निरगुडी येथे पोलिस पाटील पदासाठी भरती प्रक्रिया राबविण्यात आली होती. या प्रक्रियेत चरणसिंग भामटे याने अर्जासोबत “भामटा राजपूत” या अनुसूचित जमातीच्या प्रवर्गातील जात प्रमाणपत्र सादर केले होते. यावर विश्वास ठेवून प्रांताधिकारी कार्यालयाने त्याची निवड ३० ऑक्टोबर २०१८ रोजी पोलिस पाटील म्हणून केली होती.
 |
| - Advertisement - |
गावातीलच तानसिंग गिरासे यांनी माहितीचा अधिकार कायद्यानुसार जात पडताळणी कार्यालयातून भामटे याच्या दाखल्याची माहिती मागवली असता धक्कादायक बाब उघडकीस आली. भामटे याने सादर केलेले जात प्रमाणपत्र आणि जात पडताळणी प्रमाणपत्र दोन्ही बनावट असल्याचे स्पष्ट झाले. यासंदर्भात गिरासे यांनी प्रांताधिकाऱ्यांकडे तक्रार दाखल केली.
प्रशासकीय हालचाली आणि गुन्हा दाखल
गिरासे यांच्या तक्रारीची गंभीर दखल घेत प्रांताधिकाऱ्यांनी तपास सुरू केला आणि सादर केलेल्या कागदपत्रांची सत्यता पडताळल्यानंतर शासनाची फसवणूक झाल्याचे स्पष्ट झाले. त्यानंतर महसूल विभागाच्या शिफारशीनुसार दिनांक ६ मार्च रोजी भामटे याच्याविरोधात गुन्हा दाखल करण्यात आला.
जामिन अर्जास विरोध
गुन्हा दाखल झाल्यानंतर भामटे याने जिल्हा सत्र न्यायालयात जामिनासाठी अर्ज केला. मात्र, जिल्हा सरकारी वकील ॲड. देवेन तंवर यांनी खंबीर युक्तीवाद सादर करत भामटे याने समाजासोबतच प्रशासनाची फसवणूक केल्याने त्याला जामिन देणे अनुचित असल्याचे निदर्शनास आणले. त्यांच्या युक्तिवादाचा आधार घेत न्यायाधीश श्रीमती जे. आर. पुलाटे यांनी भामटे याचा जामिन अर्ज फेटाळला.
"बातम्यासाठी या ग्रुपमध्ये जॉईन व्हा."
महत्त्वाचा संदेश
या संपूर्ण प्रकरणातून बनावट कागदपत्रांच्या आधारे नोकरी किंवा पद मिळविण्याचा प्रयत्न करणाऱ्यांसाठी हा निर्णय धडा ठरू शकतो. न्यायालयाने अशा प्रकारच्या फसवणुकीविरोधात कठोर भूमिका घेतल्यामुळे प्रामाणिकपणे स्पर्धा करणाऱ्या उमेदवारांचा विश्वास कायम राहील.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
