धुळे दर्पण न्यूज :- पुणे, राज्यातील इयत्ता दहावी आणि बारावीच्या विद्यार्थ्यांसाठी एक अत्यंत महत्त्वाची बातमी समोर आली आहे. महाराष्ट्र राज्य माध्यमिक व उच्च माध्यमिक शिक्षण मंडळाकडून मिळालेल्या माहितीनुसार, इयत्ता बारावीचा निकाल १३ मे रोजी जाहीर होणार आहे. तर, दहावीचा निकाल १५ किंवा १६ मे रोजी जाहीर होईल, अशी माहिती मंडळातील वरिष्ठ अधिकाऱ्यांनी दिली आहे.
Follow the धुळे दर्पण channel on WhatsApp:
सकाळ वेबसाईटवर प्रसिद्ध झालेल्या वृत्तानुसार, बारावी व दहावीच्या विद्यार्थ्यांच्या उत्तरपत्रिकांची तपासणी निर्धारित वेळेत पूर्ण झाली असून, आता निकाल प्रक्रियेतील अंतिम टप्पा म्हणजेच निकाल छपाई सुरू झाली आहे. त्यामुळे निकाल जाहीर करण्यासाठीची तयारी अंतिम टप्प्यात पोहोचली आहे.
"बातम्यासाठी या ग्रुपमध्ये जॉईन व्हा."
बारावीची परीक्षा ११ फेब्रुवारी ते ११ मार्च या कालावधीत, तर दहावीची परीक्षा २१ फेब्रुवारी ते १७ मार्च या दरम्यान पार पडली होती. परीक्षेनंतर सर्व विषयांच्या उत्तरपत्रिकांची तपासणी बोर्डाने निश्चित केलेल्या वेळेत पूर्ण करण्यात आली. शिक्षकांनी अतिशय काटेकोरपणे आणि वेळेत ही जबाबदारी पार पाडल्यामुळे निकाल वेळेत प्रसिद्ध करण्यास मंडळ सक्षम ठरत आहे.
 |
| - Advertisement - |
दरवर्षीप्रमाणे यंदाही निकाल ऑनलाइन पद्धतीने उपलब्ध करून देण्यात येणार असून, विद्यार्थ्यांना बोर्डाच्या अधिकृत संकेतस्थळावर जाऊन आपला रोल नंबर आणि अन्य आवश्यक माहिती भरून निकाल पाहता येणार आहे. निकालाच्या वेळी विद्यार्थ्यांची गर्दी संकेतस्थळावर वाढण्याची शक्यता असल्यामुळे, अनेक पर्यायी संकेतस्थळांवरही निकाल पाहण्याची सुविधा देण्यात येणार आहे.
 |
| - Advertisement - |
विद्यार्थ्यांना सल्ला : निकालाच्या वेळी घाई न करता शांतपणे अधिकृत संकेतस्थळांवर निकाल पाहावा. तसेच, निकालाबाबत अधिकृत माहितीच्या प्रतीक्षेत राहावे आणि कोणत्याही अफवांवर विश्वास ठेवू नये, असे आवाहन मंडळाकडून करण्यात आले आहे.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
