धुळे दर्पण न्यूज :- राज्य शासनाच्या ‘मुख्यमंत्री माझी लाडकी बहीण’ या महत्वाकांक्षी योजनेच्या माध्यमातून महिलांच्या आर्थिक सक्षमीकरणाचा नवा टप्पा गाठण्यात येत आहे. या योजनेच्या पुढच्या टप्प्यात आता महिला स्वयंसहायता गटांच्या सहभागातून ‘लाडकी बहीण नागरी सहकारी पतसंस्था’ स्थापन करण्याची प्रक्रिया सुरू करण्यात आली आहे. यासाठी महिलांनी पुढे येऊन संस्थांच्या नोंदणीसाठी सहभाग घ्यावा, असे आवाहन जिल्हा उपनिबंधक, सहकारी संस्था, धुळे येथील मनोज चौधरी यांनी केले आहे.

Follow the धुळे दर्पण channel on WhatsApp:

पतसंस्थेच्या स्थापनासाठी आवश्यक अटी आणि निकष:
  राज्यातील महिलांनी आपली बचत, आर्थिक व्यवहार, कर्ज व्यवहार स्वयंपूर्ण पद्धतीने पार पाडावेत या उद्देशाने ही पतसंस्था स्थापन केली जात आहे. यासाठी कार्यक्षेत्रानुसार सभासद संख्या व भागभांडवलाचे निकष निश्चित करण्यात आले आहेत:
- Advertisement -

🔹 गाव कार्यक्षेत्रासाठी:

  • किमान प्राथमिक सभासद संख्या: २५०
  • भागभांडवल: १.५ लाख रुपये

🔹 तालुका किंवा नगरपालिका कार्यक्षेत्रासाठी:

  • किमान प्राथमिक सभासद संख्या: ५००
  • भागभांडवल: ५ लाख रुपये

🔹 जिल्हास्तरावरील संस्था स्थापन करण्यासाठी:

  • किमान प्राथमिक सभासद संख्या: १५००
  • भागभांडवल: १० लाख रुपये

  सदर संस्थेची रचना करताना महापालिका, नगरपालिका, वॉर्ड, प्रभाग किंवा तालुका यांचे कार्यक्षेत्र विचारात घेण्यात येणार आहे. महिलांच्या आर्थिक सक्षमीकरणासाठी ही संधी ऐतिहासिक ठरेल असा विश्वासही चौधरी यांनी व्यक्त केला आहे.

- Advertisement -

नोंदणीसाठी संपर्क:
  या योजनेअंतर्गत पतसंस्था स्थापन करण्यासाठी इच्छुक संस्थांनी आवश्यक कागदपत्रांसह जिल्हा उपनिबंधक, सहकारी संस्था, धुळे यांच्या कार्यालयाशी संपर्क साधावा. कार्यालयाचा पत्ता:
प्रशासकीय संकुल, जुने जिल्हाधिकारी कार्यालय, धुळे.

महिलांसाठी सुवर्णसंधी:
  या माध्यमातून महिलांना केवळ कर्जपुरवठा नव्हे, तर स्वतःची पतसंस्था चालवण्याचा हक्क आणि जबाबदारी देखील मिळणार आहे. ग्रामीण व शहरी भागातील महिलांना आर्थिकदृष्ट्या सक्षम करत सामाजिक प्रगतीस चालना देणारी ही संकल्पना राज्य शासनाने पुढे रेटली असून त्याचा अधिकाधिक लाभ घेण्याचे आवाहन करण्यात येत आहे.

___________________________________________________________________________________
धुळे दर्पण
मुख्य संपादक : सैय्यद सानिल
(B.Com, M.Com, M.A.MCJ)
📞 बातमी व जाहिरातीसाठी संपर्क : 8087860039 / 8806680480
📩 ईमेल : dhuledarpan@gmail.com

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -