– डॉ. नारायणराव जोशी यांची ठाम घोषणा
या महामेळाव्याचे अध्यक्षस्थान आंतरराष्ट्रीय ख्यातीचे ज्येष्ठ पशुवैद्यक डॉ. नितीन मार्कंडेय यांनी भूषविले, तर प्रमुख उपस्थिती संघटनेचे दीर्घकाळ नेतृत्व करणारे कर्मयोगी डॉ. नारायणराव जोशी यांची होती.
Follow the धुळे दर्पण channel on WhatsApp:
मंचावर राष्ट्रीय समन्वयक डॉ. अजय सैनी, राष्ट्रीय सचिव डॉ. संजय पाटील, राजस्थानचे महासचिव डॉ. सज्जनसिंह, अंधश्रद्धा निर्मूलन समितीचे माजी अध्यक्ष श्री. अविनाश पाटील आदी अनेक मान्यवर उपस्थित होते. तसेच आयोजन समितीत डॉ. सु. वा. कुलकर्णी, डॉ. सागर आरुटे, डॉ. विजय कबाडे आणि डॉ. आप्पासाहेब पाटील यांनी महत्त्वाची भूमिका बजावली.
 |
| - Advertisement - |
डॉ. नारायणराव जोशी यांचा गौरव व संघटनेचा इतिहास
५० वर्षांहून अधिक काळ संघटनेचे नेतृत्व करीत असलेल्या डॉ. नारायणराव जोशी यांचा यावेळी विशेष सत्कार करण्यात आला. त्यांच्या अथक प्रयत्नांमुळेच महाराष्ट्रात पदविकाधारक पशुवैद्यकांसाठी व्यावसायिक नोंदणीची कायदेशीर तरतूद अमलात आली.
मंचावरून बोलताना मान्यवरांनी सांगितले की, डॉ. जोशींचे कार्य ग्रीनिज बुक ऑफ रेकॉर्डसमध्ये नोंद होण्याजोगे आहे. “९० व्या वर्षीही अहोरात्र लढणारे जोशी सर हे खऱ्या अर्थाने लढवय्ये आहेत,” असे गौरवोद्गार अविनाश पाटील यांनी काढले.
महामेळाव्याची वैभवशाली सुरुवात व भावनिक क्षण
महामेळाव्याची सुरुवात गाय पूजनाने करण्यात आली. वाद्यसंगीताच्या तालावर डॉ. जोशी यांचे फुलांच्या वर्षावाने स्वागत झाले. संघटनेतर्फे त्यांना चारचाकी वाहन भेट देऊन सन्मानित करण्यात आले. हजारो कार्यकर्त्यांच्या उपस्थितीत दिलेला मानाचा मुजरा हा क्षण संस्मरणीय ठरला.
बेमुदत कामबंद आंदोलनाची घोषणा
महत्त्वपूर्ण म्हणजे, या महामेळाव्यातून डिसेंबर महिन्यात संपूर्ण राज्यभर पदविकाधारक पशुवैद्यकांचे बेमुदत कामबंद आंदोलन छेडण्याची अधिकृत घोषणा करण्यात आली. संघटनेच्या मागण्यांकडे शासनाने वारंवार दुर्लक्ष केल्यामुळे आता संघर्षाशिवाय पर्याय नाही, असे ठाम मत डॉ. नारायणराव जोशी यांनी व्यक्त केले.
“राज्यातील लाखो पदविकाधारक पशुवैद्यकांच्या हक्कांसाठी, त्यांच्या सन्मानासाठी हे आंदोलन केवळ अपरिहार्यच नाही, तर न्याय्यही आहे,” असेही ते म्हणाले.
 |
| - Advertisement - |
संघर्षाचा नवा टप्पा आणि पुढील दिशा
महामेळाव्याच्या अखेरीस सर्वच पदविकाधारकांनी एकमुखाने आंदोलनासाठी पाठिंबा दर्शवला. येत्या काळात संघटना सरकारशी चर्चा करून तोडगा काढण्याचा प्रयत्न करणार असली, तरी मागण्या मान्य न झाल्यास डिसेंबरपासून हे बेमुदत आंदोलन सुरू राहणार, असे स्पष्ट करण्यात आले.
"बातम्यासाठी या ग्रुपमध्ये जॉईन व्हा."
या महामेळाव्याच्या माध्यमातून पदविकाधारक पशुवैद्यकांच्या संघटनेने पुन्हा एकदा आपली ताकद दाखवून दिली असून, राज्यातील पशुवैद्यकीय क्षेत्रासाठी हा निर्णायक टप्पा ठरणार आहे.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
