शनिवारी सायंकाळी पावसाने अक्षरशः दमदार सुरुवात केली. सायंकाळी ५ वाजल्यानंतर ढगांचा गडगडाट, विजांचा कडकडाट सुरू झाला आणि थोड्याच वेळात पावसाने जोर धरला. विशेषतः सायंकाळी साडेसहा वाजता पावसाची तीव्रता वाढल्याने शहरातील अनेक गल्ल्या, रस्ते आणि नाल्यांमध्ये पाणी ओसंडून वाहू लागले.
 |
| - Advertisement - |
माधवपुरा भाग सर्वाधिक प्रभावित
माधवपुरा परिसरातील नाल्याला पूर आल्याने गल्लीबोळात पाणी साचले आणि काही घरांमध्ये पाणी शिरले. रहिवाशांना घरातील सामान हलवण्याची वेळ आली. तसेच मध्यवर्ती भागातील गल्ली नंबर दोन व भगवा चौक परिसरातही पाण्याचा विसर्ग झाल्याने नागरिक त्रस्त झाले. नाल्यांची पाणीवाहिनीसुद्धा ओसंडून वाहत होती, त्यामुळे उशिरापर्यंत गल्लीबोळात पाणी साचलेले होते.
नागरिकांचा त्रास वाढला
अनपेक्षित मुसळधार पावसामुळे रस्त्यांवर वाहतुकीला अडथळे निर्माण झाले. छोट्या वाहनांना पाण्यातून मार्ग काढणे कठीण झाले. नागरिकांना घराबाहेर पडताना त्रास सहन करावा लागला. अनेक भागांमध्ये वीज पुरवठाही काही काळ खंडित झाला.
प्रशासनाकडून निरीक्षण
शहरातील विविध भागांत पाणी शिरल्याची माहिती मिळताच महापालिकेचे पथक घटनास्थळी रवाना झाले. पाणी उपसून रस्त्यावरील वाहतूक सुरळीत करण्याचे प्रयत्न करण्यात आले. आपत्कालीन परिस्थितीला सामोरे जाण्यासाठी मनपा प्रशासन सतर्क झाल्याचे सांगण्यात येत आहे.
"बातम्यासाठी या ग्रुपमध्ये जॉईन व्हा."
हवामान अंदाज
हवामान खात्याने पुढील दोन ते तीन दिवसांपर्यंत शहर व परिसरात अधूनमधून जोरदार पावसाची शक्यता वर्तवली आहे. त्यामुळे नागरिकांनी आवश्यक ती काळजी घेण्याचे आवाहन प्रशासनाकडून करण्यात आले आहे.
धुळे दर्पण
मुख्य संपादक : सैय्यद सानिल
(B.Com, M.Com, M.A.MCJ)
📞 बातमी व जाहिरातीसाठी संपर्क : 8087860039 / 8806680480
📩 ईमेल : dhuledarpan@gmail.com
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
