धुळे दर्पण न्यूज :- धुळे ग्रामीण विधानसभा मतदारसंघातील प्रवाशांसाठी एक महत्त्वाची आणि दिलासादायक बातमी समोर आली आहे. धुळे ते नरडाणा रेल्वे स्थानक दरम्यान शटल बससेवा लवकरच सुरु करण्यात येणार आहे. या निर्णयामुळे तालुक्यातील सोनगीर, सरवड, कापडणे, देवभाणे, नगाव आणि परिसरातील हजारो प्रवाशांना दिलासा मिळणार आहे. ही सेवा धुळे ग्रामीणचे आमदार राम भदाणे यांच्या पाठपुराव्यामुळे शक्य झाली आहे.
Follow the धुळे दर्पण channel on WhatsApp:
प्रवाशांच्या सोयीसाठी घेतलेले महत्त्वाचे पाऊल
धुळे बस आगार प्रमुखांनी प्रसिद्ध केलेल्या पत्रानुसार, नरडाणा रेल्वे स्थानकास जोडणारी ही शटल बससेवा लवकरच सुरू होणार आहे. याआधी प्रवाशांच्या मागणीवर आधारित १६ एप्रिल रोजी आमदार राम भदाणे यांनी धुळे आगार प्रमुखांकडे अधिकृत मागणीपत्र सादर केले होते. त्या पत्रात त्यांनी नमूद केले होते की, गुजरातमध्ये कामानिमित्ताने जाणाऱ्या अनेक प्रवाशांसाठी नरडाणा रेल्वे स्थानक हे महत्त्वाचे केंद्र आहे. मात्र सध्या त्या ठिकाणी थेट बससेवा उपलब्ध नसल्यामुळे नागरिकांना मोठ्या अडचणींना सामोरे जावे लागत होते.
 |
| - Advertisement - |
धुळे व शिरपूर आगाराकडून वेळापत्रक मंजूर
प्रवाशांच्या या समस्येची गांभीर्याने दखल घेत धुळे व शिरपूर आगार व्यवस्थापनाने शटल सेवा सुरु करण्यासाठी नियोजित वेळापत्रक जाहीर केले आहे. या वेळापत्रकानुसार,
धुळे ते शिरपूर (व्हाया नरडाणा रेल्वे स्टेशन) : १६:०० व १९:३० वाजता
शिरपूर ते धुळे : १७:४५ वाजता
शिरपूर ते नरडाणा रेल्वे स्टेशन : २१:१५ वाजता
नरडाणा रेल्वे स्टेशन ते धुळे : २२:०० व ४:४५ वाजता
या बससेवेमुळे केवळ प्रवाशांची गैरसोय दूर होणार नाही तर गावकऱ्यांचा वेळ आणि खर्चही वाचणार आहे.
"बातम्यासाठी या ग्रुपमध्ये जॉईन व्हा." Group 2
आ. राम भदाणेंचे आवाहन
या निर्णयावर प्रतिक्रिया देताना आमदार राम भदाणे म्हणाले, “ग्रामस्थांच्या मागणीनुसार ही बससेवा सुरु होत असून, ही सेवा उपयोगात घेऊन प्रवाशांनी आपला प्रवास अधिक सुलभ करावा.” त्यांनी आणखी असेही सांगितले की, “जनतेच्या सोयीसाठी अशा सुविधा सुरू करणे हे आमचे प्राथमिक कर्तव्य आहे आणि भविष्यातही नागरिकांच्या गरजेनुसार अधिक चांगल्या सुविधा उपलब्ध करून देण्यासाठी मी कटिबद्ध आहे.”
 |
| - Advertisement - |
धुळे–नरडाणा रेल्वे स्थानक शटल बससेवा ही केवळ एक वाहतूक सेवा नसून, ती ग्रामीण भागातील नागरिकांच्या दैनंदिन जीवनातील एक महत्त्वाचा भाग ठरणार आहे. आमदार राम भदाणे यांच्या पुढाकाराने व आगार प्रशासनाच्या तत्परतेमुळे ही सेवा प्रत्यक्षात येत असून, स्थानिकांना या सुविधेचा मोठा लाभ होणार आहे.
– धुळे दर्पण –
(आपल्या शहराच्या प्रत्येक घडामोडींचा वार्ताहर)
(आपल्या धुळे शहराची नवी दिशा)
तुमच्या सेवा आणि सुविधांची माहिती देणारे तुमचे विश्वासू माध्यम
 |
| - Advertisement - |
