धुळे दर्पण न्यूज :- शहरातील असामाजिक आणि बेकायदेशीर कृत्यांवर वचक ठेवण्यासाठी आझादनगर पोलीस स्टेशन आणि चाळीसगाव रोड पोलीस स्टेशनच्या संयुक्त विद्यमाने विशेष तपासणी मोहीम राबविण्यात आली. ही मोहीम रात्री उशिरापर्यंत सुरू राहिली असून, अनेक कॅफे, हॉटेल्स आणि पानटपऱ्यांची कसून तपासणी करण्यात आली.

Follow the धुळे दर्पण channel on WhatsApp:

तपासणी मोहिमेचा उद्देश:

  शहरात वाढत चाललेल्या गुन्हेगारी प्रवृत्ती, अंमली पदार्थांचे सेवन, अवैध व्यवसाय, संशयित हालचाली आणि बेकायदेशीर घरगुती सिलेंडरचा व्यावसायिक वापर यावर अंकुश ठेवण्यासाठी ही मोहीम राबविण्यात आली.


तपासणी झालेल्या ठिकाणांचा आढावा:

  चाळीसगाव रोड पोलीस स्टेशनच्या हद्दीत वडजाई रोड, ८० फुटी रोड आणि १०० फुटी रस्त्यावर असलेल्या एम.डी. रजा, अपनी हॉटेल, हाजी कॅफे, अल रशीद टी हाऊस, हॉटेल सुलतान स्टार, सेवा कॅफे, जुनेद कॅफे, असलम कॅफे, युनिटी टी पॉईंट, मारिया कॅफे, शाहनवाज टी, के.जी.एन. अमृततुल्य, मिडलईस्ट हॉटेल, गोल्डन कॅफे यांसारख्या ठिकाणांची तपासणी करण्यात आली.

- Advertisement -

  आझादनगर पोलीस स्टेशनच्या हद्दीत मौलवी गंज परिसरातील अॅनाचिया कॅफे, यमन कॅफे, जुनेद कॅफे, पंताची टपरी, हॉटेल मदीना डिलक्स, मामा चिकन आमलेट, मनचाही कोल्ड ड्रिंक, आलीशान हॉटेल, रुची पान सेंटर, हर्षद पान शॉप, तिरंगा पान शॉप या व्यावसायिक ठिकाणांची तपासणी करण्यात आली.


२०६ वाहनांची तपासणी:

  या मोहिमेदरम्यान २०६ वाहनांची कसून तपासणी करण्यात आली. यामध्ये वाहनांच्या कागदपत्रांची छाननी करण्यात आली तसेच संशयितांशी विचारपूस करण्यात आली.

"बातम्यासाठी या ग्रुपमध्ये जॉईन व्हा."

इतर तपासण्या व आढावे:

• हॉटेल व कॅफेमध्ये वापरण्यात येणारे गॅस सिलेंडर घरगुती की व्यावसायिक, याची पडताळणी


• किचन, फ्रीज, स्टोअररूम आणि पाठीमागील गोडाऊनची झडती


• परवाना, अग्निशमन सुरक्षासामग्री, आरोग्यविषयक प्रमाणपत्रे तपासली


• बेकायदेशीर मद्यसाठा, अंमली पदार्थ, आणि इतर आक्षेपार्ह बाबींसंदर्भात कसून तपासणी


- Advertisement -

मोहीम कोणाच्या मार्गदर्शनाखाली राबविण्यात आली?

  या कारवाईचे नेतृत्व पोलिस अधीक्षक श्रीकांत धिवरे आणि अपर पोलिस अधीक्षक किशोर काळे यांच्या मार्गदर्शनाखाली उपविभागीय पोलीस अधिकारी राजकुमार उपासे, पोलीस निरीक्षक सुरेशकुमार घुसर, निवृत्ती पवार, चार पोलीस ठाण्याचे दुय्यम अधिकारी, ३५ पोलीस अंमलदार, तसेच २ RCP पथकातील अधिकारी यांच्याकडून करण्यात आले.


पुढील कारवाई:

  यापैकी काही व्यावसायिक आस्थापनांकडे वैध परवाने नसल्याचे निदर्शनास आले असून, त्यांच्यावर योग्य ती कायदेशीर कारवाई करण्यात येणार आहे.


नागरिकांना पोलिसांचा इशारा:

शहरातील हॉटेल्स, कॅफे आणि इतर व्यावसायिकांनी कायदेशीर परवान्यांची पूर्तता करावी, तसेच कोणत्याही बेकायदेशीर कृत्यास प्रोत्साहन देऊ नये, अन्यथा कठोर कारवाईला सामोरे जावे लागेल, असा इशारा पोलिसांकडून देण्यात आला आहे.

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -