🔴 गुलमोहर घबाड प्रकरणाचा मोठा खुलासा! १ कोटी ८४ लाखांचा बेहिशेबी रकमेचा तपास अखेर न्यायालयाच्या आदेशावरून सुरू!

  धुळे दर्पण न्यूज :- धुळे शहरातील गुलमोहर रेस्ट हाऊस घोटाळ्याचा अखेर न्यायनिवाड्याचा मार्ग मोकळा झाला आहे. गेल्या ३३ दिवसांपासून ताटकळत पडलेल्या १ कोटी ८४ लाख ८४ हजार २०० रुपयांच्या बेहिशेबी रकमेच्या प्रकरणी आज न्यायालयाने पोलिसांना ठोस आदेश देत, IPC व भारतीय नागरीक सुरक्षा संहितेच्या विविध कलमांखाली तात्काळ दखलपात्र गुन्हा दाखल करण्यास सांगितले आहे.

Follow the धुळे दर्पण channel on WhatsApp:

✅ काय आहे प्रकरण?

  २१ मे आणि २२ मे २०२५ च्या मध्यरात्री, धुळ्यातील गुलमोहर रेस्ट हाऊसमध्ये बेहिशेबी १ कोटी ८४ लाख ८४ हजार २०० रुपये सापडल्याने एकच खळबळ उडाली होती. आरोप होते की, ही रक्कम विधिमंडळाच्या अंदाज समितीला लाच म्हणून देण्यासाठी गोळा केली जात होती. एकूण १५ कोटींचे उद्दिष्ट ठेवण्यात आले होते आणि या अनुषंगाने जिल्ह्यातील विविध अधिकाऱ्यांवर दबाव आणून रक्कम वसूल केली जात होती.

- Advertisement -

🧑‍💼 ‘ते’ सहाय्यक, ‘ते’ आदेश आणि धुळे मुक्काम

  या संपूर्ण घोटाळ्यामध्ये अर्जुन खोतकर यांचे कथित स्वीय सहाय्यक किशोर काशिनाथ पाटील हे १५ मेपासूनच धुळे मुक्कामी होते. आरोपानुसार, निवासी उपजिल्हाधिकारी शेलार यांच्या कार्यालयातून अधिकाऱ्यांना धमक्या देत खंडणी गोळा केली जात होती.

📞 अनिल अण्णा गोटे यांना मिळालेली माहिती आणि ‘रेड’ची तयारी

  २० मे रोजी महसूल विभागातील एका कर्मचाऱ्याने अनिल अण्णा गोटे यांना फोनवरून माहिती दिली की रेस्ट हाऊसवर मोठी रक्कम जमा झाली आहे. गोटे यांनी त्यांच्या कार्यकर्त्याला २१ मे रोजी रेस्ट हाऊसवर पाठवले आणि दुपारी साडेचारच्या सुमारास तेथील माहितीप्रमाणे ५ कोटींपेक्षा अधिक रक्कम जमा झाली होती.

यानंतर पत्रकारांना घेऊन रेस्टहाऊसवर गेले असता, १०२ नंबर खोली कुलूपबंद व आरोपी फरार झाले होते.

👮‍♂️ पोलीस यंत्रणेची संथ गती आणि संशय

  अनिल गोटे यांनी तात्काळ पोलीस अधीक्षक श्रीकांत धिवरे यांना माहिती दिली. पण "दहा मिनिटात येतो" असे सांगूनही ते पहाटे पाच वाजेपर्यंत पोहोचले नाहीत. रात्री ११.२० वाजता अतिरिक्त पोलीस अधीक्षक काळे आले आणि त्यांनी १ कोटी ८४ लाखांची रक्कम ताब्यात घेतली. मात्र, काहीही पंचनामा न करता ही रक्कम उचलल्यामुळे पोलीस यंत्रणेवर फितुरीचे आरोप झाले.

⚖️ न्यायालयात थेट लढाई - वकील न लावता केस लढणारे अनिल गोटे

  अनिल अण्णा गोटे यांनी कोणताही वकील न लावता स्वतःच ही केस लढली. आजारी असतानाही त्यांनी शिवसेना (उद्धव ठाकरे) गटाचे नगरसेवक नरेंद्र परदेशी आणि इतर सहकाऱ्यांच्या मदतीने माननीय मुख्य न्यायदंडाधिकारी श्री चौगुले यांच्या कोर्टात अर्ज केला.

- Advertisement -

📜 न्यायालयाचा ऐतिहासिक निकाल : IPC व BNSS अंतर्गत गुन्हा दाखल करण्याचे आदेश

  न्यायालयाने आज दिनांक २७ जून रोजी BNSS कलम १७३, १७४, १७५(३), व IPC कलम २१०(ब) अन्वये तात्काळ FIR दाखल करण्याचे स्पष्ट आदेश पोलीस यंत्रणेला दिले आहेत.

📢 "अब होगा दूध का दूध और पाणी का पाणी!" - अनिल अण्णा गोटे यांची प्रतिक्रिया

प्रसारमाध्यमांशी बोलताना गोटे म्हणाले,

"३३ दिवस उलटले, पोलीस आरोपींना पळून जाण्याची संधी देत राहिले. पण आता दूध का दूध, पाणी का पाणी होणार आहे. न्यायालयाच्या या आदेशामुळे सत्य बाहेर येईल."

📌 महत्त्वाचे मुद्दे :

  • २१-२२ मे रोजी रक्कम पकडली गेली, पण आजपर्यंत दखलपात्र गुन्हा दाखल झाला नव्हता.
  • आता न्यायालयाने तपास आणि एफ.आय.आर. दोन्ही अनिवार्य केल्याने अनेक अधिकाऱ्यांची झोप उडणार!
  • महसूल आणि पोलीस खात्याच्या अधिकाऱ्यांवरही चौकशीची शक्यता.
  • खोतकर, किशोर पाटील यांची चौकशी लवकरच सुरू होण्याची शक्यता.

📰 धुळे दर्पण या प्रकरणावर सतत लक्ष ठेवून आहे. आगामी तपास, अटकसत्र, आणि आरोपपत्राच्या हालचालीसाठी आमच्या वेबसाईट आणि सोशल मीडियावर नजर ठेवा.

धुळे दर्पण
मुख्य संपादक : सैय्यद सानिल
(B.Com, M.Com, M.A. (MCJ))
📞 बातमी व जाहिरातीसाठी संपर्क : 8087860039 / 8806680480
📩 ईमेल : dhuledarpan@gmail.com

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -