🚦 वाहतूक कोंडीची समस्या चिघळली: एकाच वेळी रस्त्यांचे काँक्रिटीकरण; आग्रारोडसह इतर रस्त्यांवर वाढला वाहतुकीचा भार

 

  धुळे दर्पण न्यूज :- पावसाळ्याच्या तोंडावर शहरातील मध्यवर्ती व अतिमहत्त्वाच्या रस्त्यांचे काँक्रिटीकरणाचे काम एकाच वेळी सुरू झाल्याने शहरातील वाहतूक व्यवस्था कोलमडली आहे. नगरपट्टी, सहावी गल्ली तसेच तहसील कार्यालयाजवळील रस्ते बंद असल्याने आग्रारोडवरील वाहतुकीचा मोठा भार वाढला आहे. परिणामी नागरिकांना गल्लीबोळातून मार्ग काढावा लागत असून ठिकठिकाणी तीव्र वाहतूक कोंडी निर्माण होत आहे.

Follow the धुळे दर्पण channel on WhatsApp:

🔹 आग्रारोडवर ताण वाढला

  धुळे शहरातील आग्रारोड हा प्रमुख वाहतुकीचा दुवा असून दिवसभर येथे मोठ्या प्रमाणावर वाहनांची वर्दळ असते. याशिवाय गल्ली क्रमांक चार, पाच व सहा याही रस्त्यांवरून मुख्य रस्त्यावरील वाहतूक हलवली जाते. मात्र, नगरपट्टी रस्त्याचे महात्मा गांधी पुतळा ते सुभाषचंद्र बोस पुतळा दरम्यान काँक्रिटीकरणाचे काम सुरू असल्याने गेल्या आठवडाभरापासून हा रस्ता वाहतुकीसाठी बंद आहे. यामुळे जुने धुळे, ऐंशी फुटी रोड, पारोळा रोड आणि महात्मा गांधी चौकातून होणारी वाहतूक इतर छोट्या गल्ल्यांकडे वळवली जात आहे.

- Advertisement -

  नगरपट्टी रस्ता खुला असताना वाहने सरळ महात्मा गांधी चौकातून पुढे जात होती. परंतु आता नगरपट्टी आणि सहावी गल्लीतील कामामुळे वाहतूक पाचवी गल्ली, चौथी गल्ली तसेच पारोळा रस्त्याने वळवण्यात आली आहे. परिणामी या छोट्या रस्त्यांवर प्रचंड दबाव निर्माण झाला आहे.

🅿️ पार्किंगमुळे गल्लीबोळ ठप्प

  नगरपट्टी, सहावी गल्ली व तहसील कार्यालयाजवळ सुरू असलेल्या कामामुळे नागरिकांना पाचवी गल्ली, चौथी गल्ली आणि छोट्या गल्ल्यांतूनच जावे लागत आहे. या भागात दुकाने, खासगी कार्यालये असल्याने अनेकांना वाहन पार्क करावे लागते. त्यामुळे गल्लीबोळातील वाहतूक अजूनच खोळंबते. घरांसमोर, दुकानांसमोर वाहनांच्या रांगा लागत असून रहिवाशांना मोठा त्रास होत आहे.

- Advertisement -

🏗️ अजून दहा ते पंधरा दिवस काम सुरुच

  नगरपालिका उपअभियंता चंद्रकांत उगले यांनी दिलेल्या माहितीनुसार, नागरिकांच्या तक्रारी लक्षात घेऊन नगरपट्टीतील काँक्रिटीकरणाचे काम टप्प्याटप्प्याने केले जात आहे. सुभाषचंद्र बोस पुतळ्यापर्यंतचे हे काम पुढील दहा ते पंधरा दिवस सुरू राहणार आहे. काम पूर्ण झाल्यानंतर दोन्ही बाजूंना पांढरे पट्टे आखण्यात येतील आणि रस्ता वाहतुकीसाठी खुला केला जाईल.

"बातम्यासाठी या ग्रुपमध्ये जॉईन व्हा."

🛣️ वीर सावरकर मार्गाचा पर्यायी वापर

  नगरपट्टी रस्त्याचे काम सुरू असल्याने नागरिकांना आग्रारोडकडे जाण्यासाठी नेहमीचा पर्यायी रस्ता उपलब्ध नाही. त्यामुळे आग्रारोडवरील वाहतूक कोंडी अधिक वाढली आहे. या कोंडीचा काही अंशी भार कमी करण्यासाठी लहान पुलावरून वीर सावरकर मार्गाचा पर्यायी मार्ग म्हणून वापर केला जाऊ शकतो, असा सल्ला प्रशासनाने दिला आहे.

---

धुळे दर्पण

मुख्य संपादक : सैय्यद सानिल

(B.Com, M.Com, M.A.MCJ)

📞 बातमी व जाहिरातीसाठी संपर्क : 8087860039 / 8806680480

📩 ईमेल : dhuledarpan@gmail.com

---

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -