धुळे दर्पण न्यूज :- महाराष्ट्र राज्य लघवेतन सरकारी कर्मचारी संघ, मंत्रालय मुंबई यांच्या वतीने आज दिनांक ८ जुलै २०२५ रोजी मंगळवार, श्री भाऊसाहेब हिरे शासकीय वैद्यकीय महाविद्यालय व रुग्णालय, धुळे येथील कर्मचाऱ्यांच्या अडीअडचणी व समस्या यावर चर्चा करण्यासाठी महत्त्वपूर्ण बैठकीचे आयोजन करण्यात आले. या बैठकीस संघटनेचे प्रदेशाध्यक्ष श्री गिरीश भाऊ चौधरी यांनी अध्यक्षता केली.

Follow the धुळे दर्पण channel on WhatsApp:

  या बैठकीमध्ये कर्मचाऱ्यांच्या अनेक महत्त्वाच्या मागण्यांवर सविस्तर चर्चा झाली. मागण्यांमध्ये प्रामुख्याने पुढील मुद्द्यांचा समावेश होता:

१) पगाराच्या विलंबामुळे निर्माण होणाऱ्या अडचणी:
  गेल्या तीन-चार महिन्यांपासून कर्मचाऱ्यांचा पगार महिन्याच्या आठव्या-दहाव्या तारखेला होत आहे. त्यामुळे कर्मचाऱ्यांचे गृहकर्ज व इतर हप्ते बाऊन्स होतात, दंड भरावा लागतो तसेच सिव्हिल स्कोरवर नकारात्मक परिणाम होतो. हा पगार वेळेवर देण्यात यावा, अशी मागणी करण्यात आली.

२) विनामूल्य सेवा व सवलती:
  इतर संस्थांप्रमाणे कर्मचाऱ्यांना व त्यांच्या रक्ताच्या नातेवाईकांना ओपीडी पेपर विनामूल्य द्यावा तसेच वैद्यकीय प्रमाणपत्रासाठी लागणारे रु. २०० चे शुल्क माफ करावे.

३) जीपीएफ बिल तात्काळ मिळावे:
  कर्मचाऱ्यांचे जीपीएफ बिल सध्या एक ते दीड महिना उशिरा मिळते, ते तात्काळ देण्यात यावे.

४) महात्मा फुले जनआरोग्य योजनेतील भत्ता:
  या योजनेअंतर्गत रुग्णालयात होणाऱ्या ऑपरेशनचे भत्ते डॉक्टर, नर्सिंग स्टाफ व तंत्रज्ञांना दिले जातात; परंतु वर्ग चार कर्मचाऱ्यांना अनेक वर्षांपासून दिले जात नाहीत. हा अन्याय दूर करून त्यांनाही हा भत्ता देण्यात यावा.
- Advertisement -

५) एमबीबीएस परीक्षा भत्ता:
  विभागात काम करणाऱ्या वर्ग चार कर्मचाऱ्यांना एमबीबीएस विद्यार्थ्यांच्या परीक्षा काळातील भत्ता दिला जात नाही, तो देण्यात यावा.

६) पगार स्लिप व जीपीएफ स्लिप:
  प्रत्येक कर्मचाऱ्याला दर महिन्याला पगार स्लिप व दरवर्षी जीपीएफ स्लिप नियमितपणे देण्यात याव्या.

७) लिफ्ट त्वरित सुरु कराव्यात:
  रुग्णालयातील सर्व लिफ्ट कार्यरत करण्याची मागणी करण्यात आली.

  या सर्व मागण्यांवर चर्चा झाल्यानंतर संघटनेच्या वतीने लवकरच अधिष्ठाता डॉ. सयाजी भामरे यांना अधिकृत निवेदन देण्यात येईल, असे आश्वासन संघटनेचे प्रदेशाध्यक्ष श्री गिरीश भाऊ चौधरी यांनी कर्मचाऱ्यांना दिले.

  या बैठकीस राज्य कोषाध्यक्ष श्री चंद्रकांत भदाणे, राज्य विभागीय सचिव श्री विनोद सोनार, राज्य विभागीय महिला सचिव श्रीमती कांताबाई वरपे, धुळे जिल्हा उपाध्यक्ष श्री विजय बाविस्कर, सफाईगार संघटनेचे अध्यक्ष श्री हिरालाल डोंगरे, धुळे जिल्हा खजिनदार श्री प्रदीप गरुड, तसेच श्री संजय खैरनार, श्री संजू माळी, श्री नारायण चौधरी, श्री सोमनाथ सोनार, श्री आशिष सोनवणे, शाबुद्दीन शेख, श्री रामदास गोयर, श्री राहुल वाघ, श्री उदय मोरे, श्री भगवान पाटील, श्री सुनील टोपे, श्री राधेश्याम, श्री अमोल भंडारी, साहेबराव पाटील, श्री देवा करनकाळ, श्री कडवादास सूर्यवंशी, श्री गजानन सुराशे, श्री अज्जू लोखंडे, श्री सुरज पवार, श्री आकाश पंडित, श्री सावंत पवार, श्री दुर्गेश निगसे, श्री अनिल गोयर, तसेच महिला प्रतिनिधी म्हणून श्रीमती मिनाबाई गायकवाड, श्रीमती हेमलताबाई सोनार, श्रीमती कल्पना सावळे, श्रीमती चंद्रकला चावरे, श्रीमती अनिताबाई लोहरे व इतर अनेक वर्ग तीन व वर्ग चार कर्मचारी मोठ्या संख्येने उपस्थित होते.

"बातम्यासाठी या ग्रुपमध्ये जॉईन व्हा."

  कर्मचाऱ्यांच्या हक्कांसाठी संघटना नेहमीच भक्कमपणे उभी राहील, असे सांगून बैठकीचा समारोप करण्यात आला.

धुळे दर्पण
मुख्य संपादक : सैय्यद सानिल
(B.Com, M.Com, M.A.MCJ)
📞 बातमी व जाहिरातीसाठी संपर्क : 8087860039 / 8806680480
📩 ईमेल : dhuledarpan@gmail.com

– धुळे दर्पण – 

(आपल्या शहराच्या प्रत्येक घडामोडींचा वार्ताहर)

(आपल्या धुळे शहराची नवी दिशा)

तुमच्या सेवा आणि सुविधांची माहिती देणारे तुमचे विश्वासू माध्यम

- Advertisement -